Author: Armen Karo Canada

ՀՅԴ Գանատայի Երիտասարդական Միութիւնը, Արմէն Գարօ Ուսանողական Միութեան հետ գործակցաբար,պատրաստեց Արցախի զօրակցութեան թեմայով hoodyներ (գլխարկոտներ), որոնց վաճառքէն գոյացած գումարը փոխանցուեցաւ Գանատայի Արցախի Ֆոնտին:

24  Նոյեմբեր 2020 Արմէն Գարօ Ուսանողական Միութիւնը, այլ հայկական կազմակերպութիւններու կողքին, կազմակերպեց խորհրդակցական հանդիպում մը (panel discussion) : Հանդիպման ընթացքին քննարկման նիւթ դարձաւ հոգեկան անձուկ իրավիճակներու յաղթահարումը Արցախի եւ Հայաստանի մէջ զարգացումներուն դէմ հանդիման:

Մոնթրէալի համալսարանի հայ ուսանողական միութիւնը, Գոնգորտիա համալսարանի հայ ուսանողական միութիւնը եւ ՀՅԴ «Արմէն Գարօ» ուսանողական միութիւնը հաղորդագրութեամբ մը պահանջեց Հայաստանի Վարչապետի հրաժարականը. Հաղորդագրութեան յղումը՝

Հոկտեմբեր 25 2020ին, կազմակերպուեցաւ ինքնաշարժներով ցուցադրական երթ Լաւալէն Մոնրէալ Երթի աւարտին տեղի ունեցաւ ոգեկոչման հանդիսութիւն՝ ի յիշատակ Արցախի պատերազմին ինկած նահատակներուն:

Հոկտեմբեր 15 2020ին, Արմէն Գարօ Ուսանողական Միութիւնը Մոնրէալի Քաղաքապետարանի՝ Քաղաքապետ Վալերի Փլանթի գրասենեակին առջեւ կազմակեպեց ցոյց՝  Արցախ Անկախութեան ճանաչման համար:

Հոկտեմբեր 10 2020ին, Մոնրէալի մէջ տեղի ունեցաւ Արցախի Անկախութեան ճանաչման համար ինքնաշարժերով զօրակցական երթ:

Հոկտեմբեր 8 2020ին, Րատիօ Գանատայի առջեւ տեղի ունեցաւ Արցախի զօրակցական ցոյց:

Հոկտեմբեր 4 2020ին, Արմէն Գարօ Ուսանողական Միութիւնը իր աշխուժ մասնակցութիւնը բերաւ Մոնրէալի մէջ տեղի ունեցած Արցախի զօրակցական  ցոյցին:

Հոկտեմբեր 3 2020 Արցախեան նորօրեայ պատերազմին ազրպէյճանական եւ թրքական յարձակումներուն դէմ Արմէն Գարօ Ուսանողական Միութիւնը բողոքի ցոյցեր կազմակերպեց Օթաուայի Խորհրդարանին ինչպէս նաեւ Ֆրանսայի, Ռուսաստանի եւ ԱՄՆի դեսպանատուներուն առջեւ: