Անսալով Հ.Յ.Դ. Բիւրոյի Երիտասարդական Գրասենեակի Դիմադրութեան կոչին, միութիւնս նախաձեռնեց հայրենիքի դիմագրաւած դժուարին պայմաններուն լոյսին ներքեւ ՀՀ իշխանութիւններուն վարած քաղաքականութեան բողոքի ծրագրի մշակման: Այսպէս՝ Միութեանս յորդորով, գաղութիս մէջ գործող քոյր միութիւններէն ու մարմիններէն բողոքի նամակներ յղեցին ՀՀ Դեսպանութեան:
Author: Krisdapor Mikaelyan Syria
Մասնակցութիւն Դաշնակցութեան 131 ամեակի տօնակատարութիւններուն
Միութիւնս, իր զգալի մասնակցութիւնը բերաւ շրջանիս մէջ Հ.Յ.Դ. 131 ամեակին առթիւ կազմակերպուած բոլոր ձեռնարկներուն, միութենէս ընկերներ ներառելով ձեռնարկները կազմակերպող կեդրոնական յանձնախումբին մէջ, ինչպէս նաեւ ձեռնարկներու բեմավարութեան ու գեղարուեստական զանազան բաժիններուն մէջ:
Կամաւոր Հականեխման Աշխատանքներ
Միութեանս ընկերները, ի հարկին, շարունակեցին իրենց նախաձեռնած համաճարակի հականեխման աշխատանքը, հականեխելով դիմող կողմի կեդրոնը:
Դասախօսութիւններ
12 Նոյեմբերին վարչութիւնս կազմակերպեց ներքին գործունէութիւն, որուն ընթացքին ընկերներուն յաջորդաբար ներկայացուեցաւ «Միջազգային Օրէնքներ»-ը, ապա՝ հիւր դասախօսի միջոցաւ, «ՄԱԿ-ը եւ Հայ Դատը» վերնագրերով դասախօսութիւններ:
Դասընթացքներ
Միութեանս վարչութիւնը լծուեցաւ ընկերներուն ներքին դասընթացքներ կազմակերպելու աշխատանքին, առաջին հերթին յարաբերութիւններ մշակելով կազմակերպութեան մը հետ, որուն միջոցաւ պիտի մատուցուին դասընթացքի թեմաները, ապա՝ վարչութիւնըհերթականութեամբ հանդիպումներ գումարելով յիշեալ կազմակերպութեան հետ, ի գործ դրաւ մշակուած ծրագիրը, իր ստացած տեղեկութիւնները ներկայացնելով միութեանս անդամներուն:
Տարեկան Բանակում
Միութիւնը Յուլիս ամիսէն արդէն սկսած էր ծրագրել իր տարեկան բանակումը, առաջին հերթին սերտելով ու պատրաստելով դաստիարակչական կէտերը, ապա՝ խրախճանքները, խաղերն ու նախապատրաստական բոլոր աշխատանքները, ինչ կը վերաբերի երթեւեկի, վայրի, վառելանիւթի ու հացի ապահովման: Միութեանս բանակումը սկիզբ առաւ 5 Սեպտեմբեր 2021-ին, Քեսապի «Կազդուրման Կայան» կեդրոնէն ներս ու անմիջապէս սկիզբ առին Հալէպէն արդէն ծրագրուած օրակարգերը.- Դասախօսութիւն՝ Աշխարհի […]
Հայկական Մշակոյթի Շաբաթ Հալէպի Պետական Համալսարանէն Ներս
6-7-8 Յունիսի 2021ն, Հալէպի Պետական Համալսարանէն ներս ՔՈՄը կազմակերպեց աւանդութիւն դարձած հայկական մշակոյթի շաբաթը, որ սկիզբ առաւ «Սուրիական եւ Հայկական Մշակոյթներու Միջեւ Նմանութիւնները» խորագրով ցուցահանդէսով, եւ շարունակուեցաւ ցուցահանդէսի վերնագիրի թեմայով դասախօսութիւնով ու գեղարուեստական հանդիսութեամբ, որ կ’ընդգրկէր երգչախումբ, «Էսդրատային» նուագախումբ եւ երգիչ:
Փառատօնի Մասնակցութիւն
Միութիւնը մասնակցեցաւ Սուրիոյ նախագահական ընտրութիւններու նախօրեակին տեղի ունեցած ընտրական փառատօնին՝ առ ի զօրակցութիւն Պաշշար Ալ Ասատի նախագահ ընտրութեան:
Ապրիլեան Նախաձեռնութիւններ
Քրիստափոր Ուսանողական Միութիւնը իր մասնակցութիւնը բերաւ Ապրիլեան բոլոր նախաձեռնութիւններուն, ինչպէս՝ արեան տուչութեան, Ազգ. Գերեզմանատան մէջ գտնուող Ապրիլեան զոհերու յուշարձանին դիմաց տեղի ունեցած ոգեկոչումին ու Ապրիլեան ոգեկոչման կեդրոնական հանդիսութեան: Միութիւնը նաեւ իր մասնակցութիւնը բերաւ Մայիս 28-ի ժողովրդական տօնախմբութեան:
Եռօրեայ Դպրոց-Բանակում
5-էն 7 Մարտ 2021-ին, Լաթաքիոյ ակումբէն ներս՝ կայացաւ եռօրեայ դպրոց- բանակում, որու ընթացքին ընկերները հիմնականօրէն ծրագրեցին Հալէպի մէջ կազմակերպուելիք հայկական մշակոյթի շաբաթը, ստացան ընկերային ցանցերու մասին դասախօսութիւններ, վարեցին զրոյցներ՝ «Դաշնակցական Ուսանողականի Դերակատարութիւնը Հանրային Կեանքին մէջ» թեմայով, ինչպէս նաեւ սերտեցին գաղափարական գիրքեր: